നിലവറകള് തേടുന്നു കണ്ണുകള്
ജീവിതത്തിന്റെ തൂക്കുപാലത്തില്
മൌനത്തിന്റെ ഞെരക്കം
തറവാട്ടു മുറ്റത്തുത്തുള്ളി ആര്ത്ത
വെളിച്ചപാടിന്റെ ചിലമ്പിന്റെ കിലുക്കം
ഓടിഒളിക്കാന് ഇരുളിന്റെ ഉറവയാം
നിലവറകള് തേടുന്നു കണ്ണുകള്
അക്കരെ കടവിലെ പട്ടിണി കുഞ്ഞിന്റെ
നിലവിളി
ഇക്കരെ കടവിലെ തിരിയില്ലാ കാവിലെ
ശഖുനാദത്തില് അലഞ്ഞലിയുന്നു
നടുത്തെരുവില് ഉടുമുണ്ടുരിയപെടുന്ന
പെണ്ണിന് ഉരിഞ്ഞാല് തീരാത്ത ചേലകൊടുക്കാന്
മറന്നു നില്ക്കുന്നു കൃഷ്ണന്
താഴെ നിരങ്ങിയൊഴുകുന്ന
ഇത്തിരി തുള്ളിക്കൊപ്പം
ഒഴുകി അകലുന്നു എന്റെ
മൌനത്തിന്റെ ഈ ചില്ലക്ഷരങ്ങള്
______________________________________
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ