പനിനീരു പെയ്യുവാന്
_____________________________________പോയവസന്തത്തിന് ഓര്മ്മകള് പേറുന്ന
വാത്മീക ഹൃദയത്തെ ബാക്കിവെക്കുന്നിതാ
നിഴലും നിലാവും നിലവിലക്കൊളിയും
നീ നുള്ളിനോവിക്കും കുങ്കുമചെപ്പും
നിന് മുഖം കണ്ടു മതിവരാത്ത നിലക്കണ്ണാടിയും
കാലില് പുളയുന്ന വെള്ളികൊലുസും
കൈയ്യില് കലമ്പുന്ന കുപ്പിവളകളും
നിന് നിറം തേടുന്ന സിന്ദൂരസന്ധ്യയും
നിന്നോടിടയുന്ന രാത്രിമഴകളും
സ്മരണകള് നിറയുന്ന ചില്ലുകൂട്ടില്നിന്നു
നൊമ്പരം നുരയുന്നു ആഴിത്തിരപോലെ
പൊള്ളുന്ന വെയിലത്തു നില്ക്കുമ്പോളെന്മനം
വെമ്പുന്നു നീയാം പനിനീരു പെയ്യുവാന്
__________________________
റിജോ വിരുത്തിക്കണ്ടത്തില്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ